სატრენინგო შოუ-შეჯიბრება
ბათუმში დასუფთავების სამსახურის თანამშრომლებისთვის კვალიფიკაციის ასამაღლებელი მასტერკლასები და პროფესიის საპოპულარიზაციო შოუ-ჩვენებები გაიმართა
40-მდე დასუფთავების სამსახურის თანამშრომლისთვის ჩატარდა კონკურსი, რომლის ფარგლებშიც მათ ინდივიდუალურად მოახდინეს საწოლის სწრაფად გასწორების ტექნიკის დემონსტრირება ინსტრუქტორებისა და სტუმრების წინაშე.
კონკურსის შედეგად გამოვლინდა გამარჯვებული სამეული:
- ირმა რომანაძე, სასტუმრო „იბისი სთაილი“
- თამილა ხაბაზი, აპარტ ოტელი „ალიანს პალასი“
- ნესტან კვიჟინაძე, სასტუმრო „ქინგ სოლომონი“
პროექტის აღნიშნული ფორმატით განხორციელება ხელს უწყობს დასუფთავების სამსახურის თანამშრომლების პროფესიულ ზრდას, მომსახურების ხარისხის გაუმჯობესებას და დალაგება -დასუფთავების პროფესიის პოპულარიზაციას.
აჭარის ტურიზმის დეპარტამენტის მიერ ორგანიზებულ ღონისძიებას რეგიონში დასაქმებული დასუფთავების სამსახურის 100-მდე თანამშრომელი დაეწრო.
