აჭარის ავტონომიური რესპუბლიკის ტურიზმისა და კურორტების დეპარტამენტი, სერვისის განვითარების სამსახური
26.03.2026 - 27.03.2026
სსიპ საქართველოს ტურიზმის ეროვნული ადმინისტრაციის ორგანიზებით ქ.ბათუმში ტარდება ტრენინგი „პირველი დახმარება“.
მოკლევადიანი სასწავლო კურსი განკუთვნილია ტურიზმის სექტორში დასაქმებულთათვის და დასაქმების მსურველთათვის (გიდები, განთავსების და კვების ობიექტის წარმომადგენლები და ა.შ).
ტრენინგის გავლის შემდეგ ყველა დამსწრეს გადაეცემა სერტიფიკატი სსიპ „საქართველოს ტურიზმის ეროვნული ადმინისტრაციისგან“.
გაცნობებთ, რომ ადგილების რაოდენობა შეზღუდულია.
გთხოვთ, მსურველებმა რეგისტრაცია გაიარეთ 20 მარტამდე.
ტრენინგის ჩატარების ადგილი: ქ.ბათუმი.
ტრენინგის ხანგრძლივობა: 2 დღე (დღეში, 4საათი). დილის და შუადღის შესვენებით.
ტრენინგის დასაწყისო: 10:30 საათი.
ტრენინგის ძირითადი თემატიკები:
რა არის პირველი დახმარება, რატომ არის მნიშვნელოვანი და როგორ შეუძლია მას ადამიანის სიცოცხლის გადარჩენა სასწრაფო დახმარების მოსვლამდე.
შემთხვევის ადგილზე მისვლისას როგორ შევაფასოთ სიტუაცია, როგორ დავიცვათ საკუთარი თავი და დაშავებული დამატებითი საფრთხისგან.
როგორ შევამოწმოთ არის თუ არა ადამიანი გონებაზე, სუნთქავს თუ არა და როდის უნდა გამოვიძახოთ სასწრაფო დახმარება.
რა არის CPR, როდის გამოიყენება და რა ძირითადი ნაბიჯები უნდა ვიცოდეთ გულის გაჩერების დროს.
როგორ ამოვიცნოთ სისხლდენა და რა მეთოდებით შეიძლება მისი დროებით შეჩერება (წნევა ჭრილობაზე, სახვევი და სხვ.).
დამწვრობის ტიპები და როგორ უნდა მოვიქცეთ დამწვრობის შემთხვევაში.
როგორ ამოვიცნოთ მოტეხილობა, რა არის იმობილიზაცია და როგორ დავიცვათ დაზიანებული ადგილი.
რა სიმპტომები ახასიათებს გულისწასვლას ან შოკს და რა მოქმედებები უნდა განხორციელდეს პირველ ეტაპზე.
როგორ დავეხმაროთ ადამიანს, რომელსაც სასუნთქი გზა აქვს დახშული.
სწორად როგორ გადავცეთ ინფორმაცია დისპეჩერს და რა უნდა ვიცოდეთ დახმარების მოსვლამდე.